سلوم السلوم كان عندك هم
كان عندك هم لا ترفع تقول .... يا إله الكون همي كم كبر
قل يا همي ترا مهما تصول .... عندنا رب كبير يا بشر
كل هالدنيا ترا مثل الفصول .... ضيقتين وفرحتين وكم كدر
القهـر لـو طـال فـي يـومٍ يزول .... كن ماجانا بدنيتنا قهر
والبكاء قصه بدايتها هطول .... والخدود ارضٍ ودمعاتك مطر
الزهر لو عاش من دمعة بتول .... كان في خدي من الدمعه زهر
السهر ما اتعبه ليلٍ يطول .... لو يطـول الليل ماذل السهر
المهم اسمع كلام اللي يقول .... بيت شعرٍ ناحتينه بالحجر
لو يجيك الهم لا ترفـع تقول .... يا إله الكون همي كم كبر
ليست هناك تعليقات:
إرسال تعليق